Часам каманда пачынаецца не з роляў і задач, а з простага пытання: як мне ўвогуле камфортна працаваць з іншымі?
18 красавіка ў межах праекта Razem lepiej мы сабраліся, каб разабрацца з гэтым на практыцы і пагаварыць пра камунікацыю ў камандзе.
Трэнінг атрымаўся ненапружаны і з жывымі абмеркаваннямі.
Удзельнікі і ўдзельніцы аналізавалі свой досвед, вызначалі з уласнымі патрэбамі і спрабавалі зразумець, як іх камунікацыя выглядае вачамі іншых.
Было шмат працы ў групах, абмену досведам і рэфлексіі.
Асобна папрацавалі з рэальнымі сітуацыямі і шукалі, як можна рэагаваць у камандзе, калі нешта ідзе не так.
Таксама мы пазнаёміліся з дзейнасцю KOD: нам расказалі пра гісторыю арганізацыі і актуальныя праекты. Гэта была магчымасць паглядзець на досвед іншай ініцыятывы і задаць пытанні.
Дзякуй усім, хто далучыўся!
Будзем працягваць, таму сачыце за аб’яўкамі і далучайцеся да наступных трэнінгаў.
