Паказ першай часткі вядомай трылогіі Пітэра Джэксана пройдзе 30 жніўня а 17-ай у майстэрні “Кола” па адрасе Odrzańska 6a. Арганізатары запрашаюць усіх фанатаў класікі сучаснага кіно і фэнтазі да сумеснага прагляду.
Абавязковы дрэс-код – тэматычны касцюм або любая атрыбутыка. За найлепшыя вобразы ўдзельнікі атрымаюць каштоўныя падарункі.
Спецыяльным госцем стане беларускі блогер, праграміст з Уроцлава – Лёша Картыннік, вядомы як АйЦіБарада. Ён прэзентуе свой музычны праект паводле трылогіі.
Кінапаказ арганізаваны Суполкай беларусаў Уроцлава ў партнёрстве з праектам “Мой родны гук”, які займаецца прафесійным дубляжом на беларускую мову. Абавязковая рэгістрацыя.
