У суботу 17 лютага ва Уроцлаве прайшла акцыя салідарнасці, прысвечаная закатаваным і забітым палітвязням.
На рынкавую плошчу горада выйшлі дзясяткі людзей, каб ушанаваць памяць Аляксея Навальнага, Алеся Пушкіна, Вітольда Ашурка і іншых палітвязняў, якія загінулі ў беларускіх турмах.
Удзельнікі акцыі трымалі ў руках партрэты беларускіх палітзняволеных, якія маюць сур’ёзныя захворванні і могуць таксама загінуць у беларускіх турмах у бліжэйшым часе.
Ні ў Беларусі, ні ў Расеі не спыняецца катаванне і здзек над палітзняволенымі і іх сем’ямі: забойствы, гвалт, адсутнасць інфармацыі пра іх.
На цяперашні момант за кратамі ў Беларусі знаходзяцца больш за 1600 палітычных вязняў, якія з’яўляюцца закладнікамі беларускага рэжыму.
Пра некаторых няма звестак больш за год.
Але мы памятаем усіх!
Акцыя салідарнасці 17 лютага 2024 года, прысвечаная закатаваным і забітым палітвязням
