Хто мы:

Мы з’яўляемся зарэгістраванай арганізацыяй, якая прадстаўляе інтарэсы беларусаў Уроцлава. Узаемадапамога, інтэграцыя і адаптацыя беларусаў, захаванне нацыянальнай культуры, інфармаванне грамадскасці пра падзеі ў Беларусі – гэта тое, чым мы займаемся штодзённа.

Наша місія:

Мы ствараем адкрытую, моцную і ўплывовую дыяспару беларусаў Уроцлава і Ніжняй Сілезіі.

Што мы робім:

-Дапамагаем палітзняволеным і іх сем’ям.
-Падтрымліваем беларускія ініцыятывы.
-Адукоўваем дзяцей і моладзь.
-Сустракаемся з польскімі мясцовымі ўладамі.
-Ініцыюем культурніцкія мерапрыемствы.
-Развіваем уласную інфапрастору.
-Ладзім акцыі салідарнасці.
-Развіваем кампетэнцыі нашых сяброў і валантораў.

Нашыя каштоўнасці:

Беларускасць – мы ўсведамляем, якую вялікую каштоўнасць маюць культура, мова, гісторыя і традыцыі для кожнага народа. Таму мы імкнемся падтрымліваць і ўзмацняць беларускую ідэнтычнасць, пашыраем веды пра гісторыю і культурную спадчыну, прамуем і пашыраем беларускую мову.

Салідарнасць – гэта пра адзінства і падтрымку адно аднога. Мы ўзаемна імкнемся дапамагаць у цяжкіх жыццёвых сітуацыях, падтрымліваць тых, каму гэта патрэбна.

Дэмакратычнасць – для нас кожны чалавек мае права ўдзельнічаць у жыцці арганізацыі і прыняцці рашэнняў, а таксама выказваць свае погляды і крытыку. Рашэнні ніколі не прымаюцца аднаасабова, мы спрабуем залучыць у гэты працэс як мага больш людзей.

Правы чалавека – гэта значыць, што для нас з’яўляецца істотным адзінства і ўніверсальнасць правоў для кожнага чалавека, незалежна ад будзь-якіх крытэрыяў. Правы кожнага з нас, такія як свабода, бяспека, недыскрымінацыя, павасуддзе і інш. павінны быць захаваныя, заўсёды і ў любых абставінах.

Валанторства – гэта пра дабраахвотнае жаданне падзяліцца сваім часам, энергіяй, навыкамі на карысную дзенайсць арганізацыі без абавязковага атрымання фінансавай кампенсацыі. Мы цэнім і ўсведамляем тую ролю, якую адыгрываюць валанторы ў падтрымцы нашых ініцыятыў і развіцці арганізацыі ў цэлым.

Статут:

У нашай арганізацыі Статут – гэта асноўны дакумент, ў якім прапісаныя мэты, метады, правілы, прынцыпы функцыянавання арганізацыі. Гэта сваеасаблівая канстытуцыя, якая акрэслівае найбольш важныя аспекты нашай дзейнасці.

Пачытайце наш Статут, каб яшчэ больш даведацца пра мэты і прынцыпы дзейнасці, правы і абавязкі сяброў, арганізацыйную структуру і ўлады, рэгуляванне фінансавых пытанняў, адным словам, пра ўсё найбольш істотнае для існавання і функцыянавання Суполкі.

Статут па польску
Статут па руску

Сяброўства

Менавіта сябры нашай арганізацыі ствараюць яе фундамент і аснову. Гэта вы, тыя, хто, запоўніўшы дэкларацыю і сплаціўшы сяброўскую складку, афіцыйна далучыўся да Суполкі, каб мець магчымаць падтрымліваць яе, абірацца на кіроўныя пасады, атрымліваць дапамогу ў першую чаргу і шмат чаго яшчэ.

Агульны Сход (АС)

Агульны Сход Сяброў – гэта найвышэйшая ўлада і найважнейшы кіроўны ворган, які выконвае ключавую функцыю ў нашай арганізацыі. Агульны Сход – гэта мерапрыемства, на якім збіраюцца ўсе афіцыйныя сябры Суполкі, каб сумесна прыняць важныя рашэнні, а таксама абмеркаваць актуальныя пытанні і стратэгічныя напрамкі нашай дзейнасці.

Так, напрыклад, АС зацверджвае справаздачы па мінулай дзейнасці, абірае кіраўніцтва на бліжэйшы год, можа змяніць Статут ці прыняць рашэнне па ключавых пытаннях. Падрабязней пра Агульны Сход чытайце ў Статуце.

Рада

Паміж Агульнымі Сходамі выканаўчым ворганам Суполкі з’яўляецца Рада. Гэта абраны Агульным Сходам ворган, які складаецца з ад 3 да 6 чалавек, сярод якіх ёсць Старшыня Рады і Намеснік Старшыні. Гэтым людзі адказваюць за кіраванне Суполкай, рэалізацыю рашэнняў Агульнага Сходу, прыняццем і выключэннем новых сяброў і шмат чым яшчэ.

Падрабязней пра кампетэнцыі і абавязкі Рады вы можаце пачытаць у Статуце.

Рэвізійная Камісія (РК)

За выкананнем Статуту, кантролем фінансаў, дзейнасцю Рады, легітымнасцю прынятых рашэнняў сочыць ворган, які называецца Рэвізійнай Камісія, альбо проста РК. Туды на Агульным Сходзе абіраецца ад 2 да 3 чалавек, якія пазней паміж сабой выбіраюць Кіраўніка РК і Намесніка. Гэтай класічны аналаг судовай сістэмы.

Падрабязней пра задачы і абавязкі сяброў РК вы можаце пачыць ў Рэгламеце працы РК, а таксама ў Статуце.