Дзе: ul. Kościuszki 35a, 2 паверх, у правы бок да чырвоных дзвярэй;
Калі: нядзеля, 14:30 (штотыдзень);
Колькасць удзельнікаў: не абмежавана;
Регістрацыя: трэба папярэдняе пацвярджэнне, звяртацца тут;
Кошт: уваход вольны.
Беларускія народныя спевы існуюць ва Уроцлаве з восені 2021 года. Пасля падзей апошніх гадоў мы з большай адданасцю намагаемся зберагчы цудоўны беларускі скарб нашых бабуль і дзядуль. Спяваем веснавую «Чорна галачку», каб хутчэй заклікаць вясну на «Гуканні вясны, пад «Туман ярам» водзім карагоды на Купалле, а на Калядныя імпрэзы весела скачым з казою пад «Прыйшла каляда».
Падчас заняткаў удзельнікі выконваюць практыкаванні на развіццё дыяфрагмы, сальфеджыа, а потым прыступаюць да непасрэднага развучвання песень.Прымаць удзел у занятках могуць усе жадаючыя, незалежна ад узросту і музычнага досвета. Разам з Вамі навучымся валодаць уласным голасам з дапамогай класічнай акадэміцкай харавой школы.
Будзем рады новым удзельнікам, хто жадае быць сапраўдным правадніком беларускай народнай культуры ў сучасныя часы.