Сезон “Мова Нанова” ва Уроцлаве падыходзіць да завяршэння, і арганізатары запрашаюць адзначыць гэта ў асаблівым месцы — каля маляўнічага палаца Goszcz! Летняя сустрэча адбудзецца ў фармаце адукацыйнага і культурнага свята: будзе час і для навучання, і для творчасці, і для адпачынку.
ДЗЕ:
📍 Plac Pałacowy, 1. Goszcz
🔗 palacgoszcz.twardogora.pl
КАЛІ:
14-15 чэрвеня
Удзельнікаў чакае:
-
падвядзенне вынікаў сезона «Мова Нанова» і падарункі
-
інтэрактыўныя заняткі па беларускай мове для дарослых з Палінай Маслянковай, сертыфікаванай адукатаркай і стваральніцай анлайн-курсаў «Пакрысе»
-
творчыя заняткі для дзяцей пра гісторыю Беларусі з Таццянай Гайдук, магістрам гістарычных навук
-
экскурсія па палацы (польская мова, экскурсаводы — супрацоўнікі палаца)
-
музычны выступ гурта ZUI (Алена Зуй-Вайцяхоўская і Міхась Зуй)
-
вогнішча са спевамі пад зорным небам (каўбаскі ўваходзяць у кошт)
-
магчымасць заночыць у намётавым полі пад самым палацам
Рэгістрацыя абавязковая: Рэгістрацыйная форма
Кошт удзелу: 90 злотых за дарослага (арганізацыйныя выдаткі), 40 злотых для дзяцей да 12 гадоў.
Арганізатары звяртаюць увагу: калі вы яшчэ ні разу не былі на занятках “Мова Нанова” — гэта не праблема! Далучайцеся і пазнаёмцеся з цёплай беларускай супольнасцю ва Уроцлаве.
Курсы “Мова Нанова” ва Уроцлаве — валанцёрскі праект, які існуе без фінансавай падтрымкі. У арганізацыі гэтай сустрэчы дапамагае Суполка беларусаў Уроцлава.
Апошняя сустрэча пройдзе 31 траўня. Госцем будзе вядомы беларускі вандроўнік – Алясандр Гойшык.
